2025 жылдың алғашқы тоқсанында Fix Price дүкендер саны 349-ға жетіп, бір жыл ішінде 62 сауда нүктесіне көбейді.
INFOLine аналитикалық агенттігінің «Қазақстандағы ритейл нарығы: 2024 жылдың қорытындылары мен 2025 жылғы сын-қатерлер» атты жаңа есебінде Fix Price Қазақстандағы ең қарқынды өсіп келе жатқан бөлшек сауда желілерінің бірі ретінде аталды.
2025 жылғы 31 наурыздағы жағдай бойынша республика аумағында Fix Price-тың 349 дүкені жұмыс істейді. Оның ішінде 332 сауда нүктесі компанияның тікелей басқаруында, ал 17 дүкен франшиза моделі бойынша жұмыс істеп тұр.
Компанияның мәлімдеуінше, тұтынушылар белсенділігі артқан. Бұл өз кезегінде теңгемен есептегендегі сатылым көлемінің өсуіне әсер еткен. Сарапшылар мұны бағаның қолжетімділігімен және инфляция жағдайында тұтынушылардың үнемдеу стратегияларымен байланыстырады.
Fix Price Қазақстандағы даму бағыты туралы компания директоры Алексей Ермаков былай дейді:
«Біз дүкендерді сұраныс бар аймақтарда ашуға тырысамыз. Қаржы нарығындағы тұрақсыздыққа қарамастан, халық үшін тауар бағасының қолжетімділігін қамтамасыз етіп, ел экономикасына инвестиция салуды жалғастырып келеміз».
Компания алдағы кезеңде дүкендер санын арттырып, клиенттерге қызмет көрсету сапасын жақсартуды көздейді. Сонымен қатар, қазіргі экономикалық жағдайда тұрақты нәтижелерді сақтау мақсатында ішкі тиімділікті арттыруға басымдық берілмек.
