Бұрынғы төтенше жағдайлар министрі Юрий Ильиннің ұлы Игорь Ильин KMG PetroChem ЖШС басқарма төрағасы болып тағайындалды
«KMG PetroChem ЖШС («ҚазМұнайГаз» ҰК АҚ еншілес ұйымы) басқарма төрағасы болып Игорь Ильин тағайындалды», — деп жазылған хабарламада.
Бұған дейін Игорь Ильин Karabatan Utility Solutions ЖШС басқарма төрағасы қызметін атқарды. Әр жылдары «ОАЭК» АҚ және «Самұрық-Энерго» АҚ, «Қазақ мұнай және газ институтының ғылыми-зерттеу орталығы» ЖШС-да басшылық қызметтерде еңбек етті.
2012 жылы тағылымдамадан кейін Worley Parsons компаниясында еңбек жолын бастады. Компания — инженерлік қызмет, жобалау, өнеркәсіпте инновациялық тәсілдерді енгізу бойынша әлемдік көшбасшы. Қазақстан-Британ техникалық университетін «автоматтандыру және басқару» мамандығы бойынша бітірді.
Айта кетейік, Юрий Ильин — Төтенше жағдайлар министрлігін 2020 жылғы қыркүйектен 2023 жылғы маусымға дейін басқарды. Семей орманындағы алапат өрттен кейін Ильин министр қызметінен босатылды.
