Алматы қаласындағы Жетісу-2 комьюнити орталығы қасиетті Рамазан айының құрметіне орай аудан тұрғындарына құрма мен су таратты. Бұл игі іс-шара ауыз ашудың бір бөлігі ғана емес, сонымен қатар қоғамда мейірімділік пен бірлікті нығайтуға бағытталған маңызды сүннет болып табылады.
Орталықтың бұл бастамасы тұрғындардың бір-біріне қолдау көрсетуіне, сондай-ақ жанашырлық пен өзара құрметтің мәнін түсінуге ықпал етті. Мұндай қайырымды істер Рамазан айының рухани құндылықтарын дәріптеп, қоғамдағы жылулық пен ынтымақты арттыра түседі.
Қасиетті айда атқарылған игі істер баршаға береке, тыныштық және бейбіт өмір әкелсін!
