Жуырда қалың көпшілікке жол тартқан «Ауылдастар» сериалы YouTube платформасында алғашқы миллион қаралымды жинап, көрермендердің сүйіспеншілігіне бөленді. Сондай-ақ бұл сериал теледидарда да жоғары рейтингтер жинап, өзінің сапасы мен ерекше мазмұнымен көрермендерді таңғалдырды.
Күнделікті өмірді, ауылдың күйбең тіршілігін көрсететін сериал өзінің қарапайымдылығы, өмірдің шындығы және шынайы кейіпкерлерімен ерекшеленеді. Көрермендер күнделікті өмірдегі қиындықтар, қуаныш пен мұңды экраннан көріп, өздерін басты кейіпкерлердің орнына қойып қарайды. Әрбір эпизод күлкілі оқиғалармен қатар, ойландыратын тұстарды да қамтып, көрермендердің жүрегіне жол тапты. Сериалда ерекше көңіл бөлінген диалогтар мен оқиғалар желісі көрермендерді экран алдына баурап алды. Қаланың еркіндігінде еш қамсыз өмір сүріп жүрген жігіт, әскерден құтылу үшін, ауылға жол тартады. Нағыз еңбекке тап болған Айбек — өмірдің екінші қырымен танысуға мәжбүр! Осындай шытырманға толы жігіттің өмірін көрсете білген Абылайхан Касымов бастаған сценаристер командасы өмірдің түрлі қырларын шынайы және әсерлі жеткізе отырып, көрерменнің күлкі мен ой салатын көріністерді үйлесімді ұсынған.
Көрермендердің көзқарасы
«Ауылдастар» сериаланың YouTube желісіндегі пікірлері бірыңғай жылы лебізге толы.
“Өмірде дәл осындай оқиғалар көп кездеседі. Қарап отырып, өз басымнан өткен жайттарды еске түсірдім”, “Абылайханның командасы шеберлік танытып, нағыз қазақи мәдениетті жеткізе алған!”, “Мұндай сапалы контент көп болсын! Жалғасын күтеміз!” – деп пікір қалдырды желідегілер.
Көрермендердің белсенділігі мен сериалдың үлкен жетістігі оны жалғастыруға деген сұраныстың жоғары екенін көрсететті. Абылайханның өзі сұхбатында: “Бұл біз үшін тек бастама. Көрермендердің қолдауы бізге жаңа идеялар мен жобаларға шабыт береді. Келесі маусымда жаңа оқиғалар мен күтпеген бұрылыстарды күтіңіздер!” – деді.
Бұл сериал – өмірдің өзі!
Абылайхан мен оның сценаристер командасы күнделікті өмірдің күлкілі және шынайы сәттерін экранға шебер жеткізе отырып, үлкен жетістікке қол жеткізді. Сериал тек миллион қаралыммен ғана емес, сондай-ақ қазақстандық телеарналардағы жоғары рейтингтерімен де мақтана алады. Көрермендер енді сериалдың жалғасын тағатсыздана күтіп отыр. Сценаристтер командасы жаңа маусымды жасауда тағы да биік белестерді бағындырады деп сенеміз.
