Түркістан қаласында өткен «Қысқы кубок» халықаралық футбол турнирі аясында Түркістан облысы Полиция департаментінің Есірткі қылмысына қарсы іс-қимыл басқармасының қызметкерлері қатысушы жас спортшылар арасында нашақорлықтың алдын алу бағытында профилактикалық түсіндіру жұмыстарын жүргізді.
Полиция қызметкерлері жасөспірімдерге зиянды әдеттердің салдары, есірткінің адам денсаулығына, болашағына тигізетін зияны және заң алдындағы жауапкершілік жөнінде нақты түсіндірді.
Іс-шараның мақсаты — жастар арасында салауатты өмір салтын қалыптастыру, құқық бұзушылықтың алдын алу және есірткіге қарсы иммунитетті күшейту.
Аталған профилактикалық жұмыс халықаралық турнир аясында жүргізілуі — спорт пен қауіпсіздіктің өзара сабақтастығын көрсетті.
Полиция департаменті жастардың қауіпсіздігін қамтамасыз ету және құқық бұзушылықтың алдын алу бағытындағы жұмыстарды тұрақты түрде жалғастырады.
Түркістан облысы ПД баспасөз қызметі
